भोजपुरी ग़ज़ल
मत रुसीं कोहनाईं जी।
पहिले मीठा खाईं जी।
बनि बात,बात कइला से,
मुहवां मत बिचकाईं जी।
आईं अब, त चलीं हमरा,
संगे बन के भाई जी।
गांव नगर सभे ह आपन ,
ठंढा पानी पांईं जी।
पढ़ल लिखल बानी रउआ,
बिगड़ल सब सझुराईं जी।
पथ छोड़ीं टेढ़ा-मेढ़ा,
बढियां राह बनाईं जी।
तजीं अब त हड़पल सब के ,
आपन करीं कमाईं जी।
-विजय कुमार पाण्डेय 'प्यासा'
- हम उम्मीद करते हैं कि यह पाठक की स्वरचित रचना है। अपनी रचना भेजने के लिए यहां क्लिक करें।
विज्ञापन
कमेंट
कमेंट X